Mystery Nebe too Agora la Resolve

 
1. The Shroud of Turin/Mystery hena nebe falun Jesus Cristo

Husi karuk imagen original, husi liman los imagen negativo

Hena nebe agora rai iha Cidade Turin, iha hena nee iha imagen hanesan ema nebe hetan traumatismo fisico husi crucificacao (prega iha cruz). Katolika sira fiar que hena nee mak falun Jesus Cristo, bainhira lori ba hakoi. Agora hena nee iha hela Katedral Sao Joao Batista iha Turin, Italia. Mesmo que halo tena investigasaun scientificas, too agora sidauk iha ema ida mak bele identifika oinsa imagen  nee bele iha hena nee, no mesmo que ema barak mak koko atu replika hena nee, mas too agora sidauk ema ida bele halo. Mas que Tes Radiocarbon hatudu hena nee halo iha entre tinan 1260 too 1390 nia laran.  Mas barak mak sei duvidas ho tes radiocarbon ida nee. Vatican rasik too agora sidauk rejeita no aseita katak hena nee, hena nebe falun Jesus Cristo.

2.  Mary Celeste

Ilustracao barco Mary Celeste

Mary Celeste lansa iha nova scotia, Canada iha 1860. Naran lolos nee "Amazon" Depois usa, Iha Tinan sanolu nia laran deit, akontece asidente barak ba barco ga ro nee. Tamba hetan asidente hela deit, barco Amazon nia nain faan tia, pois faan husi  ida ba seluk, too faan tia iha leilao ida iha Nova York/New york ho folin $ 3000. Depois registra tia barco nee no hadi'a tia equipamento balun, barco nee muda tia naran ba Mary Celeste.

Nain no kapitao foun ba barco Mary Celeste nee mak Benjamin Briggs (37). Molok Nee nia komanda tena
barco tolu. Iha 7 Novembro 1872, Kapitao Briggs nia fen no oan feto nebe sei kiik no ho ema nebe tuir nia hamutuk nain 8,  sai husi new York ba Genoa Italia. Barco nee sira lori nakonu ho  Alcohol matak ho montante 1700 barris/barrel.

Depois ida nee, kapitao nia familia no ema nebe tuir sira nunka mosu tan. barco nee hetan fluktua hela iha Estreito de Gibraltar sem ema ida  no dokumentu ruma iha ro laran. Iha inicio 1873 hetan ro salva vida nia rua iha Espanha, ro ida ho mate isin nain ida ho bandera Amerika no ro ida seluk ho mate isin nain 5. Alega  mate isin sira nee passageiro nebe Tuir ro Mary Celeste, Maibe too agora laiha ida identifika mate isin sira nee hanesan passageiro husi ro Mary Celeste. (Mystery ro Mary Celeste ema barak deskonfia iha relacao ho Triangulo das Bermuda/Bermuda Triangle)

3. The Taos hum "Rai hakilar"

Taus Hum hanesan lian ho baixa freukensia, nebe sempre akontece iha area balu iha mundo, liu-liu iha EUA/Amerika, Inglaterra no Norte Europa, hanesan lian nebe misterio nebe Teknologia moderno hanesan Microphone no Antena FLV la konsege detekta.

Iha 1997, kongress Amerika haruka Scientista no Observadores husi Organizacao nebe konhecido, para buka tuir lian mysterio nebe naran Taos Hum, mas laiha ida husi Scientista identifika causa husi lian nee. Nebe residentes sira rona iha sidade kiikoan ida iha New Mexico. Buatida hanesan "Rai hakilar"  tinan ba tinan sira nebe rona lian ida nee konsidera hanesan "Hum"  Mas too agora nem ema ida identifika lian nee mai husi nebe.

4.The Black Dahlia

Imagen hatudu mate isin Elizabeth Short soe iha nee.

Elizabeth Short moris iha 29 julho 1924 Hydepark. Idade nebe sei kiik no oin nebe bonita, lori nia hakarak ba buka sorte iha Industria Film Hollywood, Elizabeth Short ema nebe karakter bele adapta ho ambiente
nebe foun no la kleur deit nia iha kolega barak iha Hollywod no oin nebe bonita halo mane barak gosta nia, mesmo que iha Hollywood hare feto bonita nee bain-bain tena.

Mas iha Iha 1947, ema deskonhecido ida oho Elizabeth Short no Mate isin Elizabeth Short hetan mutilacao nebe nia isin tesi no fahe ba rua, iha kareta para fatin iha Los Angeles. Baseia ba Jurnal nebe fo informacao, iha momento depois de Elizabeth Short nia mate, Elizabeth Short konhecido ho naran ""Black Dahlia" tamba nia fuk nebe metan no gosta hatais roupa metan. Mesmo que tinan ba tinan halo investigacao ba Black Dahlia no halo intrevista ho ema nebe besik nia durante nee, mesmo polisia halo ema barak sai suspeito iha momento neba, tamba laiha evidencia nebe forte suspeito sira nee husik fali deit. Too agora se mak oho Black Dahlia sei misterio nafatin.....

5. The Count of St, German

The Count of St, German, alega mate iha 27 Febreiro 1784. Ema nebe iha talenta barak no bele halo oin-oin deit. komeca husi cortecao, aventureiro, inventor, scientista amador. Nia bele halo saida deit, inklui fatuk nebe nia bele halo sai osan mean. Iha eropa momento neba konhecido ho naran "The Wonderman" . nia ema nebe lahtene mai husi nebe no lakon sem rai hela marka. Ema nebe konsidera aan moris desde tempo Jesus Cristo, no moris husi geracao ba geracao no nunka mate. Depois nia lakon no ema konsidera mate tena. Organizacao oculto balu konsidera nia hanesan maromak, mesmo que nia mate mas nia rate iha nebe too agora la identifika.

6. Voynich Manuscript

Voynich Manuscript halo husi letra desconhecido no lingua nebe desconhecida no Author mos deconhecido.

Pagina balu husi manuscrito Voynich

Quase Tinan atus ida tena no ema barak halo investigacao konaba Manuscrito ida nee mas sem resultado. Mesmo que lahtene mai husi lingua nebe mas ema barak que analisa letra ida nee parece receita konaba aimoruk tradicional antigo. Bainhira halo analiza data carbon ba manuscrito nee halo entre tinan 1404-1438 no parece halo iha Italia mas laos lingua Italia.



7. Jack the Ripper

Iha tinan 1888, cidade London Inglaterra hetan teroriza no amiacas husi ema desconhecido naran Jack the Ripper liu-liu iha area Whitechapel. Naran Jack the Ripper mosu bainhira karta ida haruka ba media husi ema nebe rekonhece nia aan no nia mak durante nee halo Asassino no mutilacao ba vitima nebe maioria servico iha prostituicao. Vitima nebe Jack the Ripper oho sempre ho kondicao kakorok kotu no isin hetan mutilacao. Polisia momento nee halo ema barak sai suspeito mas tamba laiha evidencia forti ema sira nee husik fali deit. Mesmo que investigacao ho metodo moderno mas too agora sidauk identifika se lolos mak Jack the Ripper.

8.Triangulo  Bermuda/ Bermuda Triangle

 Triangulo Bermuda ou triangulo do diabo bahasa dehan segitiga setan,  iha area Atlantico Norte. Fatin nee Misterio no perigozu tebes. Tamba iha area ida nee Aviao no barcos ga ro lakon ho situacao nebe misterio.
Tinan barak liu na no ema barak halo analiza ba saida mak akontece ba aviao no barcos nebe derepenti lakon bainhira liu husi Triangulo bermuda. Analiza sira nee domina ho esplikasaun husi parte supranatural komeca husi Fatin nee fatin ba Alien no se mak liu iha Triangulo Bermuda mak alien sei supa, Iha tasi okos iha magnet nebe boot no aviao ho barco nebe liu sei dada tama ba tasi laran tamba reacao husi electromagnetico nebe iha tasi okos, too teoria conspiracao oin-oin. Mas husi analiza sira nee hotu too agora sidauk iha provas nebe simu ho logica tamba saida Aviao no barco bele hetan asidente bainhira liu husi Triangulo bermuda.

9. The Zodiak Killer

Zodiak Killer naran nebe identifika hanesan ema nebe involve iha kazu Assasino em serie Pembunuhan berantai oho ema nain 5 (Mesmo Zodiak Killer rekonhece nia aan liu husi surat nebe nia haruka ba jornal

Surat nebe Zodiak Killer hakerek ba media ho marka Zodiak

dehan nia oho quase ema 37) no hakanek ema nain rai rua akontece entre tinan 1960 too 1970. Nia identidade sei desconhecido nafatin too agora.
Bainhira nia oho vitima nia hakerek vitima nia identidade no halo marka Zodiak iha surat nee no haruka ba media jornal. Iha benecia nia oho ema nain rua ho pistola. Iha Valejo nia tenta atu oho tan ema nain rua mas ida konsege moris, mesmo bala tama iha ulun no kakorok. 40 minutos depois nia oho vitima nee iha Valejo nia telefone ba polisia no rekonhece dehan nia mak oho no nia mos oho ema nain rua iha Benecia. Too agora se mak Zodiak Killer sei misterio nafatin......

10. The Babushka Lady

Foto nebe hatudu Babushka Lady

Imagen Fullscreen Babushka Lady

Durante halo analisa ba filme no fotografia konaba  assassinato ba presidente America John F. Kennedy, polisia no intelegen CIA hetan fotografia feto misteriosa ga deskonhecido nebe hamrik besik presidente John F. Kennedy bainhira John Kennedy hetan tiru iha nia ulun nebe momento nee halo nia mate. Feto misteriosa nee hamrik iha fatin akontesemento ho ulun falun ho lenco(syal). Nia hamrik ho jeito hanesan ema hasai foto. Iha momento Polisia hadau populacao no media nebe iha fatin akontesemento nia kamera hatudu Babushka Lady nia posicao nebe besik los Presidente John F. Kennedy. Naran Babushka Lady tamba hatais modelo hanesan avo feto sira iha Rusia nebe sempre falun nia ulun ho lenco. Ema barak fiar Babushka Lady iha relacao ho Presidente John F. Kennedy nia mate, no chave ba razao tamba saida Presidente John Kennedy hetan tiru iha momento neba. Mas too agora se mak Babushka Lady sei misterio nafatin.......